ກອງປະຊຸມວິຊາການ WorkSource Oregon Workshops

ປົດລັອກສັກກາຍະພາບທາງວິຊາຊີບຂອງທ່ານດ້ວຍ WorkSource Oregon Workshops.

ຄວາມຮ່ວມມືຂອງພວກເຮົາກັບ LinkedIn Learning ຊ່ວຍໃຫ້ທ່ານເຂົ້າເຖິງຫຼັກສູດທີ່ມີຄຸນນະພາບສູງຫລາຍພັນຫຼັກສູດເພື່ອເພີ່ມທັກສະ ແລະສັກກາຍະພາບໃນການຈ້າງງານຂອງທ່ານ.
ທ່ານຈະໄດ້ຮັບທັກສະແລະຄວາມຮູ້ທີ່ຈຳເປັນໃນການປະສົບຜົນສໍາເລັດໃນການຊອກວຽກແລະອາຊີບໃນອະນາຄົດ ໂດຍການນໍາໃຊ້ກອງປະຊຸມວິຊາການ WorkSource Oregon ແລະແຫຼ່ງຂໍ້ມູນ LinkedIn Learning. ຢ່າພາດໂອກາດນີ້ໃນການລົງທຶນເພື່ອການຈະເລີນເຕີບໂຕໃນວິຊາຊີບຂອງທ່ານ ແລະໂດດເດັ່ນໃນຕະຫຼາດວຽກທີ່ມີ ການແຂ່ງຂັນສູງ.

ວິທີເຂົ້າເຖິງ LinkedIn Learning ຜ່ານ WorkSource Oregon:

ລົງທະບຽນໄດ້ຟຣີທີ່ www.imatchskills.org ແລະສ້າງ ຫຼື ປັບປຸງໂປຣໄຟລ໌ຜູ້ຊອກຫາວຽກຂອງທ່ານ.
ຕິດຕໍ່ສູນ WorkSource ໃນພື້ນທີ່ຂອງທ່ານ Contact your local WorkSource center ທາງໂທລະສັບ ຫຼື ໄປທີ່ຫ້ອງການຂອງພວກເຮົາແຫ່ງໃດໜຶ່ງດ້ວຍຕົນເອງເພື່ອຂໍຮັບໃບອະຍຸຍາດ LinkedIn Learning.
ເມື່ອທ່ານໄດ້ຮັບໃບອະນຸຍາດ LinkedIn Learning ທີ່ມອບໝາຍ ທ່ານຈະໄດ້ຮັບລິ້ງເຊື່ອມຕໍ່ອີເມວ. ໃຊ້ລິ້ງ ເຊື່ອມຕໍ່ອີເມວເພື່ອເຂົ້າເຖິງບັນຊີ LinkedIn Learning ສ່ວນຕົວຂອງທ່ານ.

ປະໂຫຍດຂອງ LinkedIn Learning

LinkedIn Learning ສະເຫນີຫຼັກສູດດ້ານທຸລະກິດ, ເຕັກໂນໂລຢີ ແລະຄວາມຄິດສ້າງສັນຫຼາຍກວ່າ 16,000 ຫຼັກສູດເພື່ອໃຫ້ສາມາດແຂ່ງຂັນໃນຕະຫຼາດວຽກໃນປັດຈຸບັນໄດ້. ຕໍ່ໄປນີ້ແມ່ນຕົວຢ່າງບາງຫຼັກສູດທີ່ສະແດງໃຫ້ເຫັນວ່າ LinkedIn Learning ສາມາດຊ່ວຍຊຸກຍູ້ການຊອກຫາວຽກ ແລະການພັດທະນາວິຊາຊີບຂອງທ່ານໄດ້ແນວໃດ:

ການກຽມຕົວສໍາພາດ: ຝຶກຕອບຄໍາຖາມແລະເຕັກນິກທົ່ວໄປໃນການສໍາພາດໃຫ້ຊ່ຽວຊານ ເພື່ອສ້າງ ຄວາມປະທັບໃຈໃຫ້ກັບຜູ້ທີ່ອາດຈະເປັນນາຍຈ້າງໃນອະນາຄົດ
ການເພີ່ມປະສິດທິພາບປະຫວັດຫຍໍ້: ຮຽນຮູ້ວິທີສ້າງປະຫວັດຫຍໍ້ທີ່ໂດດເດັ່ນ ແລະເພີ່ມປະສິດທິພາບໃຫ້ກັບລະບົບຕິດຕາມຜູ້ສະໝັກ.
ກົນລະຍຸດການສ້າງເຄືອຂ່າຍ: ພັດທະນາທັກສະການສ້າງເຄືອຂ່າຍທີ່ມີປະສິດທິພາບເພື່ອຂະຫຍາຍການເຊື່ອມຕໍ່ທາງວິຊາຊີບຂອງທ່ານ.
ການສ້າງແບຣນສ່ວນບຸຄຄົນ: ສ້າງແບຣນສ່ວນບຸຄຄົນທີ່ຫນ້າສົນໃຈເພື່ອສ້າງຄວາມແຕກຕ່າງໃຫ້ກັບຕົວທ່ານໃນຕະຫຼາດວຽກ.
ການເຈລະຈາຕໍ່ລອງເງິນເດືອນ: ສ້າງຄວາມໝັ້ນໃຈໃນການເຈລະຈາຕໍ່ລອງເງິນເດືອນແລະສະຫວັດດີການຂອງທ່ານ.
ການສະຫນັບສະຫນູນການປ່ຽນອາຊີບ: ຂໍຮັບຄວາມຊ່ວຍເຫຼືອໃນຂະນະທີ່ທ່ານປ່ຽນອາຊີບ ລວມທັງນັກຮົບທະຫານເກົ່າທີ່ກັບຄືນສູ່ບົດບາດພົນລະເຮືອນ.

LinkedIn Learning ນຳສະເໜີຫຼັກສູດວິດີໂອເປັນ 13 ພາສາ ແລະຄຳບັນຍາຍທີ່ແປດ້ວຍເຄື່ອງເປັນຫຼາຍກວ່າ 20 ພາສາ. ທ່ານສາມາດປ່ຽນພາສາຂອງເນື້ອຫາ LinkedIn Learning ເພື່ອເຂົ້າເຖິງຫຼັກສູດເປັນພາສາທີ່ທ່ານຕ້ອງການໂດຍປ່ຽນການຕັ້ງຄ່າພາສາ ຫຼືຕັ້ງຄ່າການໃຊ້ງານບັນຊີຂອງທ່ານ.

ກອງປະຊຸມວິຊາການເພື່ອການສະໝັກງານຂອງລັດທີ່ປະສົບຄວາມສຳເລັດ

ທຸກວັນອັງຄານເວັ້ນອັງຄານ ເວລາ 10:30 ໂມງເຊົ້່າ -12:00 ໂມງທ່ຽງ

ທ່ານສົນໃຈທີ່ຈະສະໝັກເຮັດວຽກກັບລັດ Oregon ບໍ? ເຂົ້າຮ່ວມກອງປະຊຸມວິຊາການທາງອອນລາຍ ທີ່ຈັດຂຶ້ນໂດຍເຈົ້າໜ້າທີ່ WorkSource ເພື່ອທົບທວນວິທີການຄົ້ນຄ້ວາປະກາດຮັບສະໝັກງານ, ອົງການຕ່າງໆ ແລະປະເພດວຽກງານຂອງລັດ Oregon. ຊອກຫາວິທີປັບແຕ່ງປະຫວັດຫຍໍ້ຂອງທ່ານໃຫ້ເຂົ້າກັບຄຳອະທິບາຍວຽກງານ.

ໂປດຊາບວ່າກອງປະຊຸມວິຊາການນີ້ແມ່ນສະໜອງໃຫ້ເປັນພາສາອັງກິດເທົ່ານັ້ນ ແຕ່ສາມາດຈັດຫາບໍລິການແປພາສາໃຫ້ໄດ້ຕາມຄຳຮ້ອງຂໍ.

ລົງທະບຽນທາງອອນລາຍເພື່ອເຂົ້າຮ່ວມກອງປະຊຸມວິຊາການນີ້.

ພະແນກການຈ້າງງານລັດ Oregon (OED) ແມ່ນອົງການທີ່ໃຫ້ໂອກາດເທົ່າທຽມກັນ. ບຸຄຄົນທຸກຄົນມີສິດທີ່ຈະນໍາໃຊ້ໂຄງການແລະການບໍລິການຂອງ OED. ທາງ OED ໃຫ້ຄວາມຊ່ວຍເຫຼືອຟຣີ. ຕົວຢ່າງໄດ້ແກ່: ນາຍພາສາມື ແລະ ນາຍພາສາປາກເວົ້າ, ເອກະສານເປັນພາສາອື່ນ, ອັກສອນເບຣລ, ຕົວອັກສອນພິມຂະນາດໃຫຍ່, ສື່ໃນຮູບແບບສຽງ ແລະຮູບແບບອື່ນໆ. ຖ້າທ່ານຕ້ອງການຄວາມຊ່ວຍເຫຼືອ ກະລຸນາໂທໄປທີ່ເບີ 503-947-1670. ຜູ້ໃຊ້ TTY ໂທຫາ 711. ນອກຈາກນີ້ ທ່ານສາມາດຂໍຄວາມຊ່ວຍເຫຼືອໄດ້ເຊັ່ນກັນທີ່ OED_WSO_Workshops@employ.oregon.gov.