ການລົງປະກາດວຽກບໍ່ເສຍຄ່າ
iMatchSkills ແມ່ນຖານຂໍ້ມູນໃຫຍ່ທີ່ສຸດຂອງຜູ້ຊອກວຽກເຮັດຢູ່ໃນລັດ, ດ້ວຍທັກສະທີ່ຫຼາກຫຼາຍທີ່ສຸດ. ບໍ່ມີຄ່າທຳນຽມໃນການລົງປະກາດວຽກ ຫຼື ການຊອກຫາຄົນທີ່ມີຄວາມສາມາດ. ຈັດການກັບການຈັບຄູ່ວຽກຂອງທ່ານເອງ ຫຼື ປັບປຸງແຜນການຈ້າງງານກັບ WorkSource ຂອງລັດໂອເຣກອນ.
ເປັນຫຼາຍກວ່າກະດານຂ່າວວຽກເຮັດ: ການເປັນຫຸ້ນສ່ວນ
ຜູ້ຈ້າງງານທ້ອງຖິ່ນທີ່ມີສາຍສຳພັນກັນຮັບຟັງ ແລະ ໃຫ້ວິທີແກ້ໄຂບັນຫາທີ່ແທ້ຈິງ. ພວກເຮົາຈະໄປພົບທີ່ບ່ອນຢູ່ຂອງທ່ານ, ຮຽນຮູ້ກ່ຽວກັບທຸລະກິດຂອງທ່ານ ແລະ ສົນທະນາກ່ຽວກັບຄວາມຕ້ອງການໃນການຈ້າງວຽກຂອງທ່ານເພື່ອໃຫ້ບັນລຸຄວາມຕ້ອງການສະເພາະຂອງບໍລິສັດທ່ານ.
ພະນັກງານສຳລັບວຽກທຸກປະເພດ
WorkSource ເຊື່ອມຕໍ່ທ່ານກັບຄົນມີຄວາມສາມາດທົ່ວໄປ ແລະ ສະເພາະທາງທຸກຢ່າງໃນບ່ອນດຽວ. ພວກເຮົາຈະເຜີຍແຜ່ຕຳແໜ່ງວຽກຂອງທ່ານ, ຈັດການຕິດຕໍ່ຜູ້ສະໝັກທັງໝົດ, ຄັດກອງຜູ້ສະໝັກ, ເຮັດການສຳພາດເບື້ອງຕົ້ນ ແລະ ຈະສົ່ງພຽງແຕ່ຜູ້ສະໝັກທີ່ກົງຕາມເກນຂອງທ່ານເທົ່ານັ້ນ.
ບັນຈຸເຂົ້າ. ຮັກສາໄວ້. ແກ້ໄຂ.
ກິດຈະກຳການຈ້າງງານ, ການຝຶກອົບຮົມ, ເງິນຫຼຸດພາສີ ແລະ ອື່ນໆ. ການຝຶກອົບຮົມສາມາດເປັນໜຶ່ງໃນຄ່າໃຊ້ຈ່າຍຂອງພະນັກງານທີ່ແພງທີ່ສຸດ. ໂປຣແກຣມຂອງພວກເຮົາສາມາດຊ່ວຍທ່ານປະຢັດເວລາ ແລະ ຊ່ວຍອອກຄ່າໃຊ້ຈ່າຍການຝຶກອົບຮົມໃນຂະນະທີ່ທ່ານກຳລັງເຮັດການຈ້າງງການກັບທັກສະທີ່ທ່ານຕ້ອງການ.
WorkSource ສາມາດຊ່ວຍທ່ານໄດ້ຄື:
- ສ້າງການປະກາດວຽກເພື່ອຜົນຮັບທີ່ດີກວ່າເກົ່າ
- ຮຽກຕົວຜູ້ສະໝັກວຽກຜ່ານຕະຫຼາດຈັດຫາວຽກ ແລະ ກິດຈະກຳການຈ້າງງານ
- ລະບຸເງິນຫຼຸດພາສີທີ່ເປັນໄປໄດ້
- ໃຫ້ການວິເຄາະຂໍ້ມູນແຮງງານແບບກຳນົດເອງ
- ສ້າງອັດຕາຄ່າຈ້າງທີ່ແຂ່ງຂັນໄດ້ໃນຕະຫຼາດເພື່ອດຶງດູດ ແລະ ຮັກສາຜູ້ທີ່ມີຄວາມສາມາດໄດ້
- ສ້າງພະນັກງານໃຫ້ມີຄວາມຊຳນານດ້ວຍການຝຶກງານຕົວຈິງ, ລົງຝຶກງານ ແລະ ຕົວເລືອກການຝຶກອົບຮົມ
WorkSource ຢູ່ທີ່ນີ້ເພື່ອເປັນຫຸ້ນສ່ວນກັບທ່ານ. ແຕ່ລະປີ, ຜູ້ຕາງໜ້າບໍລິການດ້ານທຸລະກິດຂອງພວກເຮົາໃຫ້ບໍລິການແກ່ທຸລະກິດ 9,700 ທຸລະກິດ, ລົງປະກາດວຽກ 250,000 ຕຳແໜ່ງ ແລະ ຊ່ວຍການຈ້າງງານ 34,000 ຕຳແໜ່ງ. ໃຫ້ທີມຂອງພວກເຮົາຊ່ວຍທຸລະກິດຂອງທ່ານ.
ໂປຣແກຣມທຸລະກິດ ແລະ ເງິນຫຼຸດພາສີ
WorkSource ຂອງລັດໂອເຣກອນມີໂປຣແກຣມທຸລະກິດ ແລະ ເງິນຫຼຸດພາສີເພື່ອຊ່ວຍທ່ານຊອກຫາຄົນມີຄວາມສາມາດ, ປະຢັດເງິນ ແລະ ຂະຫຍາຍທຸລະກິດຂອງທ່ານ. ຜູ້ຕາງໜ້າບໍລິການທຸລະກິດໃນທ້ອງຖິ່ນຈະທຸ່ມເທໃຫ້ກັບການເປັນຫຸ້ນສ່ວນກັບທ່ານ. ພວກເຂົາຈະໄປພົບທ່ານທີ່ສະຖານທີ່ຂອງທ່ານ, ຮຽນຮູ້ກ່ຽວກັບຄວາມຕ້ອງການສະເພາະຂອງບໍລິສັດ ແລະ ຊ່ວຍຫາທາງອອກ.
ຈ້າງພະນັກງານທີ່ມີຄຸນນະພາບ
WorkSource ເຊື່ອມຕໍ່ທ່ານກັບຄົນມີຄວາມສາມາດທົ່ວໄປ ແລະ ສະເພາະທາງທຸກຢ່າງໃນບ່ອນດຽວ. ພວກເຮົາສາມາດຊ່ວຍທ່ານໃນການບັນຍາຍລາລະອຽດໜ້າວຽກ, ເຜີຍແຜ່ຕຳແໜ່ງວຽກຂອງທ່ານ, ຈັດການຕິດຕໍ່ຜູ້ສະໝັກທັງໝົດ, ຄັດກອງຜູ້ສະໝັກ, ເຮັດການສຳພາດເບື້ອງຕົ້ນ ແລະ ຈະກ່າວເຖິງພຽງແຕ່ຜູ້ສະໝັກທີ່ໄດ້ຕາມເກນຂອງທ່ານເທົ່ານັ້ນ. ພວກເຮົາສະເລ່ຍການຈ້າງງານ 1 ຄັ້ງສຳລັບທຸກໆການສົ່ງຕໍ່ 3.4 ຄັ້ງໃນລາຍການທີ່ໄດ້ຮັບຄວາມຊ່ວຍເຫຼືອຈາກພະນັກງານ. ພວກເຮົາຍັງຈະລະບຸເງິນຫຼຸດພາສີທີ່ເປັນໄປໄດ້ ແລະ ແບ່ງປັນຄ່າຈ້າງທີ່ແຂ່ງຂັນໃນຕະຫຼາດເພື່ອຊ່ວຍທ່ານດຶງດູດ ແລະ ຮັກສາຄົນທີ່ມີຄວາມສາມາດ.
ບັນຈຸ ແລະ ຈ້າງ ນັກຮົບເກົ່າ. ຮຽນຮູ້ກ່ຽວກັບຈຸດດີຂອງການຈ້າງນັກຮົບເກົ່າ ແລະ ໂປຣແກຣມຈ້າງນັກຮົບທີ່ມີຫຼຽນໄຊແຮງງານ. ຕິດຕໍ່ຫາຜູ້ຕາງໜ້ານາຍຈ້າງນັກຮົບເກົ່າໃນທ້ອງຖິ່ນຜູ້ທີ່ສາມາດຊ່ວຍໃຫ້ທ່ານບັນລຸຄວາມຕ້ອງການແຮງງານຂອງທ່ານໄດ້ໂດຍການບັນຈຸ ແລະ ຮັກສານັກຮົບເກົ່າ.
ເງິນຫຼຸດພາສີ ໂອກາດໃນການເຮັດວຽກ ຮັບເອົາເງິນຫຼຸດພາສີຕັ້ງແຕ່ $1,500 ຫາ $9,600 ຕໍ່ການຈ້າງ ໂດຍການຈ້າງຄົນທີ່ພົບບັນຫາໃນການຊອກວຽກເຊັ່ນ: ນັກຮົບເກົ່າ, ຄົນທີ່ໄດ້ຮັບ TANF ຫຼື SNAP, ຄົນພິການ, ຄົນທີ່ເຄີຍຖືກຂັງ, ຄົນທີ່ຫວ່າງງານຫຼາຍກວ່າຫົກເດືອນ ແລະ ອື່ນໆ.
ໂປຣແກຣມວຽກເພີ່ມ (Jobs Plus). ຈ້າງຄົນທີ່ໄດ້ຮັບ TANF ແລະ ຮັບເອົາເງິນຄືນສູງສຸດຮອດຄ່າຈ້າງຂັ້ນຕ່ຳຂອງລັດໂອເຣກອນບວກກັບພາສີຄ່າຈ້າງຂອງນາຍຈ້າງ ແລະ ເງິນຊົດເຊີຍຜູ້ເຮັດວຽກ.
ໂປຣແກຣມພະນັກງານບູລິມະສິດ. ຈ້າງຄົນທີ່ພິການຖາວອນຈາກການບາດເຈັບໃນພາກປະຕິບັດ ແລະ ຮັບເງິນຄືນສຳລັບຄ່າຈ້າງພະນັກງານບູລິມະສິດເປັນເວລາຫົກເດືອນ.
ພັນທະບັດຂອງລັດຖະບານກາງ. ຮັບພັນທະບັດຄວາມຊື່ສັດຈຳນວນ $5,000, ບໍ່ເສຍຄ່າ, ເພື່ອເປັນແຮງຈູງໃຈໃນການຈ້າງງານຄົນທີ່ບໍ່ມີສິດໄດ້ຮັບພັນທະບັດຄວາມຊື່ສັດທາງການຄ້າ. ໂປຣແກຣມນີ້, ສະໜັບສະໜູນໂດຍກະຊວງແຮງງານສະຫະລັດ, ມີອັດຕາຄວາມສຳເລັດທີ່ 99% ທົ່ວປະເທດ.
ໂປຣແກຣມການຮັບຮອງແຮງງານຕ່າງປະເທດ (FLC). ຖ້າຫາກທ່ານກຳລັງປະສົບກັບການຂາດແຄນແຮງງານ, FLC ສາມາດຊ່ວຍທ່ານນຳທາງຫາການຮັບຮອງ H-2A ແລະ H-2B ຊົ່ວຄາວ ແລະ ປະຕິບັດຕາມຂໍ້ກຳນົດທີ່ກ່ຽວຂ້ອງໄດ້.
ຝຶກອົບຮົມ ແລະ ຮັກສາ
ການຝຶກອົບຮົມສາມາດເປັນໜຶ່ງໃນຄ່າໃຊ້ຈ່າຍຂອງພະນັກງານທີ່ແພງທີ່ສຸດ. WorkSource ສາມາດຊ່ວຍທ່ານພັດທະນາແຮງງານທີ່ມີຄວາມສາມາດ ແລະ ເພີ່ມທັກສະຂອງແຮງງານໃນປັດຈຸບັນຂອງທ່ານດ້ວຍການຝຶກງານຕົວຈິງ, ການລົງຝຶກງານ ແລະ ຕົວເລືອກການຝຶກອົບຮົມ. ພວກເຮົາສາມາດຊ່ວຍທ່ານເລື່ອງຄ່າໃຊ້ຈ່າຍການຝຶກອົບຮົມ.
ໂປຣແກຣມການຝຶກອົບຮົມພາກປະຕິບັດໃນວຽກ (OJT). ປະຢັດເງິນຂອງທ່ານກັບ OJT ໂດຍການຮັບເງິນຄືນສູງສຸດເຖິງ 50% ຂອງຄ່າຈ້າງງານໃໝ່ (ສູງສຸດຮອດ $5,000) ໃນໄລຍະສອງສາມເດືອນທຳອິດຂອງການຝຶກອົບຮົມພາກປະຕິບັດ.
ການຝຶກງານ. ການຝຶກງານປະກອບດ້ວຍການຝຶກອົບຮົມພາກປະຕິບັດທີ່ໄດ້ຮັບການແນະນຳກັບການສອນໃນຫ້ອງຮຽນ.
ການແບ່ງປັນວຽກ (Work Share). ຫຼີກລ່ຽງການປົດອອກວຽກ ແລະ ຮັກສາຄົນທີ່ມີຄວາມສາມາດໃນໄລຍະການຖົດຖອຍຂອງທຸລະກິດຊົ່ວຄາວ. ການແບ່ງປັນວຽກ (Work Share) ອະນຸຍາດໃຫ້ທ່ານຮັກສາພະນັກງານທີ່ມີຄວາມສາມາດໃນໄລຍະຊ່ວງເວລາທີ່ຊ້າໂດຍການຫຼຸດຊົ່ວໂມງເຮັດວຽກ. ພະນັກງານທີ່ມີສິດຜູ້ທີ່ຊົ່ວໂມງເຮັດວຽກ ແລະ ຄ່າຈ້າງຖືກຫຼຸດລົງໄດ້ຮັບເງິນຊ່ວຍເຫຼືອປະກັນໄພການຫວ່າງງານເພື່ອຊົດເຊີຍສຳລັບຄ່າຈ້າງທີ່ໄດ້ສູນເສຍ.
ຖ້າຫາກທ່ານກຳລັງພິຈາລະນາການປົດອອກວຽກ, ບອກໃຫ້ພວກເຮົາຮູ້. ທີມຕອບກັບຢ່າງໄວວາຂອງພວກເຮົາສາມາດຊ່ວຍທ່ານຫຼີກລ່ຽງການປົດອອກວຽກ ຫຼື ໃຫ້ຄວາມຊ່ວຍເຫຼືອແກ່ພະນັກງານທີ່ຖືກເຊົາຈ້າງໄດ້. ພວກເຮົາຈະໄປສະຖານທີ່ຂອງທ່ານ, ພົບກັບພະນັກງານຂອງທ່ານ, ລົງທະບຽນໃຫ້ພວກເຂົາໃນ iMatchSkills, ລົມກັບພວກເຂົາກ່ຽວກັບການຮັກສາໄວ້ເພື່ອວຽກອື່ນ ແລະ ເຊື່ອມຕໍ່ພວກເຂົາກັບແຫຼ່ງຊັບພະຍາກອນ.
ເຮັດໃຫ້ທຸລະກິດຂອງທ່ານໃຫ້ເຕີບໂຕ
ພວກເຮົາສະໜອງ ການວິເຄາະຂໍ້ມູນ ເພື່ອຊ່ວຍທ່ານຄາດການ ແລະ ກະກຽມສຳລັບການປ່ຽນແປງຂອງເສດຖະກິດ.
ວາງແຜນເສັ້ນທາງການເຕີບໂຕດ້ວຍການເປັນຫຸ້ນສ່ວນຂະແໜງການ (Sector Partnerships). ຂົງເຂດ WorkSource ຂອງພວກເຮົາຮວບຮວມທຸລະກິດຕ່າງໆຕາມພາກສ່ວນ ແລະ ຮ່ວມກັນກຳນົດວິທີເຮັດໃຫ້ທຸລະກິດເຕີບໂຕ. WorkSource ນຳການພັດທະນາເສດຖະກິດ, ຄູ່ສັນຍາ, ໜ່ວຍງານດ້ານທີ່ຢູ່ອາໄສ ແລະ ອື່ນໆມາຮ່ວມກັນ. ພວກເຮົາສ້າງໂປຣແກຣມການຝຶກງານ, ເປັນຫຸ້ນສ່ວນກັບວິທະຍາໄລທ້ອງຖິ່ນ ແລະ ຜູ້ສະໜັບສະໜູນສຳລັບທີ່ຢູ່ອາໄສເພື່ອໃຫ້ແຮງງານຂອງທ່ານສາມາດເຕີບໂຕໄດ້.